SUPERBALITA DAVAO

Padayong nangandam

DAVAO. Si Philippine Sports Commission chairman William Ramirez, atol sa Davao Sportswriters Association Forum sa The Annex sa SM City Davao, Huwebes, nagsulti nga mga atletang Pinoy way puas ang preparasyon aron makalangkat og luna nga makaduwa sa Tokyo 2020 Olympic taliwala sa kabalaka labot coronavirus disease outbreak. (Macky Lim)

TALIWALA sa kabalaka ug hugla labot coronavirus disease (Covid-19), mga atletang Pilipino padayon sa pagbansay alang sa Tokyo 2020 Olympics, kini sigun ni Philippine Sports Commission (PSC) chairman William "Butch" Ramirez Huwebes, Pebrero 27.

Si Ramirez, nga usa sa bisita sa Davao Sportswriters Association (DSA) Forum sa The Annex sa SM City Davao Huwebes, nagsulti nga ang International Olympic Committee (IOC) padayong nagmonitor sa dagan sa coronavirus.

"Our position is to await a formal announcement from the IOC but we have prepared for the worst (scenario)," niya.

Apan tungod way cancellation advisory sa aktibidad, way rason nga di ipadayon ang preparasyon sa mga atleta sa nasud.

Niya, padayon sab ang ilang monitoring sa virus outbreak ug nagpadala og mga Filipino contingents sa mga nasud nga di apektado sa Covid-19 alang sa ilang foreign exposure training ug aron makaapil sa Olympic qualifying tournaments.

Dugang ni Ramirez, "Our elite athletes are training with strong medical provisions."

Si Pole vaulter Ernest John Uy Obeina, miangkon sa Asian Athletics Championships record, ug World Artistic Gymastics Championships gold medalist Carlos Edriel Yulo mao ang unang duha ka ilipino Tokyo 2020 Olympics qualifiers.

Si Rio Olympics silver medalist Hidilyn Diaz, nga miaswat og tulo ka bulawan sa 2020 Roma Weightlifing World Cup, kasamtangang ikalima sa International Weightlifting Federation (IWF) women's 55-kilogram class.

Bisan og ang maong kalampusan paigo na nga makabaton og slot sa Olympic si Diaz, apan si Samahang Weightlifting Pilipinas president Monico Puentevella, sa report sa Inquirer nagsulti nga gikinahanglang motigi ang lifters sa unom ka event aron makasud sa Tokyo.

Ang pag-apil sa Roma maoy ikalima ni Diaz.

Diin siya ug ubang parte sa national weightlifting team magsugod og tigi sa final qualifying leg 2020 Asian Championships karong Abril 16-25 sa Nur-Sultan, Kazakhstan.

Suma ni Ramirez nga sila Obiena,Yulo, ug Diaz gihatagan og tim nga gilangkuban sa psychologist, physiologist ug nutritionist, aron mas lig-on ang pagpangandam alang Olympic.

Suma sa hepe sa PSC, "We have the P100 million budget of the President (Rodrigo R. Duterte) to focus on our target of 20 Filipino athletes for the Olympics."

Malaumon sab siya nila judoka Kiyomi Watanabe nga makabaton og pwesto sa Tokyo, uban sila taekwondo jin Pauline Lopez, Asian Games champion skateboarder Margielyn Didal, mga boksidor, surfers, tracksters, swimmers ug martial artists.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph