Pulis ni-jerjer og minyo gimalas

DAVAO. Short pants ug brief sa pulis nga nahabilin human nikaratil og dagan nga hubo. (Edgar E. Fuerzas)
DAVAO. Short pants ug brief sa pulis nga nahabilin human nikaratil og dagan nga hubo. (Edgar E. Fuerzas)

NAGKADIPU-DIPO sa pagkaratil og dagan ang usa ka pulis nga way sapot sa iyang lawas human masakpan sa bana sa asawa nga iyang gi-jerjer sa siyudad sa General Santos.

Ang suspek nga pulis nagranggo og Police Staff Sergeant sa usa sa mga presinto sa kapulisan sa nahisgutang dakbayan.

Gibutyag sa bana nga usa ka negusyante, 37 anyos, nga iyang naaktuhan ang pulis nga nikabayo sa iyang asawa nga nag-edad og 30 anyos sulod mismo sa ilang giabangan nga balay sa may Bulaong Extension, Barangay North, sa siyudad niadtong Miyerkules.

Sumala pa nga gihapsan sa bana og kabilya ang pulis, hinungdan nga nikaratil kini og dagan nga wa nay sapot ang lawas ug nagkadugo ang ulo.

Narekober sa mirespondeng mga pulis nga gitawgan sa bana gikan sa ilang lawak ang pusil, brief ug short pants nga giangkon sa misis nga iya sa pulis nga suspek.

Nakita sab sa mga imbestigador ang lama sa dugo sa suspek human masamad sa pagbunal og kabilya sa bana.

Gihan-ay na sa bana ang pagpasaka og tukmang kaso batok sa iyang asawa nga gibalhog sa prisohan ug sa kadidang niining pulis nga wala na magpakita samtang gisuwat ning balita.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph