AKO nangandoy niya.
Ambot kaha siya
nangandoy ba usab nako?
Wa man tingali.
Wa tingali koy bili.
Sakit ra ba kuno
ang kapakyasan
morag sa bakos gibunalan.
Pero bata pa man ko.
Di pa gyud ko
mo-enter ana no!
Daghan pang bugas
ang akong kan-on
nga magtan-aw sa
dramang kahilakon.
Morag kumuton
ang akong dughan
tungod sa hinigugma
nga gidagmalan.
Ayaw ninyo seryusoha
ang gugma kay moagi
ra kini siya, sama sa iro
nga nakalusot sa balay
nga buslot.
Ang kasingkasing ko
kahibalo na mobalak.
Ug ako sa kaugalingon
mobahakhak.
Ang akong kasakit
gipaagi ko sa Internet.