MANILA - Nahinumduman nyo pa ba ang original nga Kuya Escort sa It’s Showtime nga si Greg Hawkins? Ang last kong taho kaniya dinhi sa Super B mao ang word war niya sa iyang manager nga si Lito de Guzman og gusto ni Lito nga mapa-deport si Greg tungod kay nag-post kini sa iyang social media account nga kung kuhaon man siya, wag nang idaan kang Lito, diretso na sa Viva.
Kay Viva lang kuno ang naghupot sa iyang career, wa nay lain eh to think nga bago pumirma si Greg sa Viva (through Lito) may unang kontrata siyang gipirmahan kang Lito as manager nga dili pa paso.
After mawagtang sa It’s Showtime si Greg, gikataho nga may Pinay girlfriend si Greg, si Haiza Madrid nga kanhi sad talent ni Lito de Guzman kay miyembro kini sa Hot Girls nga gi-managed kanhi ni Lito.
Nagpabilin sa Viva si Greg og may mga projects ang Viva kaniya like commercials, hostings and even acting.
Sa kasamtangan, gilantad na ni Greg ang iyang girlfriend nga si Haiza Madrid nga before naging miyembro sa Hot Girls, naging grand winner sa Hataw Bikini Open.
Sa latest vlog ni Greg nga may title nga “To-tropahin o Dyo-Jowain”, iya nang gipailaila si Haiza. Kape og gatas sila pero very obvious nga nagminahalay sila. Sa tantiya ko, mag-3 years na silang mag-on. Si Haiza nag-aartista og nigawas sa Banana Sundae.
Kagahapon, nagpunta ako sa ABS-CBN og nakasalubong ko si Haiza. Gikumusta ko si Greg. “Okey naman Tito, kami pa rin. Hehe,” matud ni Haiza.
Akong gipangutana kon nganong nasa ABS-CBN siya. “Nasa Star Hunt po ako Tito,” tubag ni Haiza.
Sa tan-aw ko, mao sigurong gipaila-ila na ni Greg si Haiza isip girlfriend kay nag-aartista na sad kini og akong gi-expect nga mas daghan pa silang himoong vlog collaboration.
Si Lito de Guzman naman, tahimik na lang tungod kay bisan og wa siya’y effort, kanunay siyang makadawat og check from Viva nga komisyon niya kang Greg.