NAKAHIGAYON ko og kukabildo sa akong kanhing classmate og labihan nakong pagdayeg sa iyang nakab-ot bisan pa man sa kalisod sa iyang na-agian.
Wa magmakuli si Lilibeth Labajos-Digal pagbahin sa iyang ka-agi ug kasinatian og misamot akong saludo sa iyang kaisog pagpanlimbasog.
Walo ni sila tanang manag-igsoon nga nagdako sa Bislig, Surigao del Sur. Kinse anyos palang siya dihang namatay iyang amahan maong napugos og panrabaho iyang inahan aron sila makakaon ug maka-eskwela .
Bisan sa kalisod, wa mo undang si Lilibeth pagsunod sa iyang damgo og naningkamot nga maka human sa pagtuon samtang nag-working student sa unibersidad diin siya nagtungha. Tuod man nahuman niya iyang kurso unya iyang gigamit iyang kahanas pagtapos sa kursong Law ug Masters in Public Administration.
Nakasulod siya og trabaho isip tigpamaba sa Population Commission ug probinsiya sa Bohol diin iyang nakit-an iyang bana ug nanganak og 2. Ang ka-sakit kay nangamatay kini sa iyang pagpanganak nga maoy say naka ingon sa ilang panagbuwag.
Wa siya papilde sa iyang kasubo ug kaguol. Iya hinuon kining gibubo sa pagpanrabaho aron hinay hinay nga makalimot sa kasakit og maka-irog. Tuod man, tungod sa iyang katakos ug kahanas napili siyang representi sa gobernador sa International Trade Expo sa America.
Na ingganyo siya pagbalik didto bisan pa man sa kakuwang sa iyang pundo, higala o paryente nga kasandigan para makab-ot iyang tumong.
Bisag kapoy, back to back siyang nanrabaho og eskwela hangtod nahimong nurse. Nagbunga iyang kahago human sa 5 ka tuig og nakapalit og 2 ka balay nga iyang gipa-abangan hangtod midaghan og milambo kini.
Nagtukod sab ni siya og kaugalingong Care Giving Agency og mi apil og financial services. Karon siya ang COO ug usa sa mga tag-iya sa Cohshare (Cohesive Sharing Economy) nga plata porma susama sa Facebook, Youtube ug Amazon.
Si Lilibeth ehemplo sa panultihon nga way damgo nga di makab-ot kung magkugi lang dinuyugan sa tim-os nga pangamuyo.