SUPERBALITA CEBU

Tipik sa South Coastal Road gisugdan og ayo

PAGPATRABAHO sa dan sa Cebu South Coastal Road sa may Talisay Fishport gisugdan Biyernes sa gabii, Pebrero 28, 2020.

Ang pagtrabaho himuon magabii aron di maapektuhan ang dagan sa trapiko.

Gipatrabaho kini ni Talisay City Mayor Gerald Anthony Gullas, Jr. tungod sa kalibaong sa dan nga usahay moresulta sa disgrasya sa mga motorista.

Matod ni Joy Tumulak, traffic czar sa Talisay City, nga unahon ang lane nga padung sa Dakbayan sa Sugbo.

Magsugod sa pagpatrabaho sa alas 9 o alas 10 sa gabii hangtod na sa alas 5 sa kaadlawon.

Gibana-banang usa ka buwan ang pagtrabaho nga sa gabii lang, diin minos na nga mga motorista ang mangagi sa dapit.

Ang motrabaho niini mao ang Second Engineering District sa Department of Public Highways (DPWH-7).

Molangkob sa trabaho ang pag-aspalto balik sa dalan, magbutang og reflectorized thermoplastic pavement markings ug solar pavement stud), (nga susama sa suga nga anaa sa runway sa airport).

Kini aron masiguro na ang kaluwasan sa mga moagi sa maong dapit.

Matod ni Tumulak nga anaa lang kini sa 700 metros, apan tagtulo ka lane sa matag duha ka habig.

Usa ka buwan man ang schedule sa pagpaayo niini, apan giawhag sa Talisay City government ang DPWH nga kon mahimo, masayo ang paghuman aron usab di na kaayo pa makabalda sa publiko.

Hangyo lang usab nila sa moagiay sa maong dan nga tas-an lang usab ang pasesnya kon ugaling, makamugna og paghuot sa trapiko. (FMD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph