SUPERBALITA CEBU

Tanang armas ‘gikawat’ sa pulis nabawi na

NABAWI na sa Waterfront Police Station ang laing unom ka mga armas nga gikawat sa ilang sakop gikan sa locker nga gisudlan sa gipang-surrender nga mga armas nga way lisensya.

Human masikop si Police Corporal Marlito Portugueza, gitumbok nga nikawat sa 12 ka mga armas nga gi-surrender sa mga tag-iya tungod kay expired na ang lisensya, nihimo dayon sa follow -up operation ang Waterfront Police Station aron mabawi.

Huwebes sa gabii, Pebrero 27, nakuha na pagbalik ang unom ka mga armas nga giingong gipanghatag sa kaila ni Portugueza nga nagpuyo ra usab sa barangay nga sakop sa hurisdiksyon sa Waterfront Police Station.

Matod ni Police Major Joemar Pomarejos, usa sa saksi nga daling nikooperar sa mga imbestigador, nibutyag nga siya ang gibinlan sa ubang mga armas ni Portugueza nga mao na usab ang nitug-an asa na ang uban niini.

“Katong ika duhang witness nako, iyahang gitagoan. Wala gyud ingun nga na dispose o nabaligya. Iya na man gitug-an na lang tanan mao to amo gi kuha,”matod ni Pomarejos.

Gisaysay ni Pomarejos nga nagsugod ang pagkawat ni Portugueza niadto pang tunga-tunga sa Disyembre 2019, diin duha ka mga armas ang nakawat.

Gisundan kini pagka Enero 2020, diin upat ka mga armas ang nakawat. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph