MIRESPONDE ang kabomberohan sa usa ka sunog nga miigo sa usa residential area sa Barangay Ibabao-Estancia, Mandaue City Sabado, Pebrero 29, 2020.
Nadawat ang taho sa sunog alas 11:30 sa buntag ug gipasaka kini sa second alarm alas 11:54.
Alas 12:34 sa udto, gisaka sa Task Force Alpha ang sunog.
Gideklarar nga under control ang sunog ala 1:08 sa hapon.
Nasubo sab si Mandaue City Mayor Jonas Cortes, kinsa anaa sa maong lugar, nga makakita sa mga Mandauehanon nga mawad-an og panimalay.
Sigon ni Cortes nga manghatag ang Dakbayan og hot meals isip panguna nga ayuda ngadto sa mga nasunogan.
Gisuta pa sa kabomberohan ang hinungdan sa sunog. Base sa mga residente nga butane ang hinungdan sa maong sunog apan wala pa kini gikompirmar sa awtoridad. (KFD)
[Kini nga balita nag-develop pa. Mamahimong mobalik o i-refresh ang page.]