Mius-os ngadto sa upat na lang ka mga magduduwa ang opisyal nga listahan sa mga kandidato alang sa MVP award sa Season 44 sa Philippine Basketball Association (PBA).
Mangulo ning maong tapok mao ang kasamtangang 5-time MVP nga si JuneMar Fajardo sa San Miguel Beermen.
Ang mga karibal sa Sugboanong higante mao sila si CJ Perez sa Columbian Dyip, Jayson Castro sa TNT KaTropa ug Christian Standhardinger sa NorthPort Batang Pier.
Unya mius-os na sab sa 12 ka backcourt players ug walo ka frontliners ang mga kandidato alang sa Mythical Selection.
Ang mga mapili ning maong mga pasidungog ipaila atol sa Leo Awards nga ipahigayon sa dili pa sugdan ang opening ceremonies sa Season 45 karong Marso 8. / ESL