NAKIG-UBAN na si Poy Erram sa Talk N’ Text kagahapon, pipila lang ka mga adlaw human naaprubahan sa Philippine Basketball Association (PBA) ang iyang pagbalhin sa KaTropa.
Hinuon wala pa niduwa si Erram dihang nakigsangka ang KaTropa batok sa Ateneo sa usa ka practice game sa Moro Lorenzo Sports Center.
Mao kini ang labing unang adlaw ni Erram kauban ang KaTropa human sa komplikadong kasabutan nga naglambigit sab sa NLEX Road Warriors ug Blackwater Elite.
Si Erram nagduwa kaniadto sa Blackwater dayon sa NLEX una siya nahiluna’g balik sa TNT, nga maoy nagpili kaniya isip 13th overall pick niadtong 2013. / ESL