SWERTI si JC Santos sa iyang showbiz career kay daghang offer ug proyekto.
Kon sa pelikula lang mora kag nag marathon kay sa matag-karon ug unya naa siya kanunay. Kon dili man siya ang bida, usa siya sa mga cast.
Karon may bag-o na usab nga movie ang actor nga pang-Hollywood ang dating.
Usa ka thriller-horror-sci-fi nga siguradong ma-intriga ka. Apan unsa man gyud kining “Motel Acacia” nga pelikula ni JC nga showing na karong buwana?
Mahitungod kini sa batan-ong Pilipino nga gipadako sa iyang amahan nga maoy nipuli sa iyang motel.
Daghang mga ngilngig ug dili katohuang panghitabo ang iyang masinati ug mahibaw-an sa maong motel. Kon unsa man kini mao kana ang atong suta-on sa “Motel Acacia”.
Makauban ni JC Santos si Agot Isidro, uban nilang Jan Bijvoet, Nicholas Saputra, Vithaya Pansringarm, Bront Palarae ug uban pa.
Ang “Motel Acacia” usa ka international film sa direksyon sa Malaysian director Bradley Liew. Di buh swerti gyud kaayo ang JC Santos kay gawas ani naa sad siya sa serye ni Julia Montes nga “24/7” nga makita matag-Dominggo sa gabii.
Mao nga sobrang malipayon ug mapasalamaton ang JC sa dagan sa iyang career. ay’g saba!
Ang pinakaseksing love triangle karon nga silang Lovi Poe, Tony Labrusca ug Marco Gumabao ang mga bida sa “Hindi Tayo Pwede” sa direksyon ni Joel Lamangan.
Mahinumdoman si Lovi Poe sa pelikulang “The Annulment” (with Joem Bascon).
Samtang si Tony sa “Glorious” (with Angel Aquino) ug Marco sa Just a Stranger (with Anne Curtis).
Ang princesa primera sa GMA uban sa duha ka sexy heartthrob sa Kapamilya, ang resulta usa ka init nga trayanggulo sa gugma.
Si Lovi na-in love kang Tony apan sa dihang nadisgrasya si Tony nahipunta si Lovi sa bestfriend niining si Marco.
Mao nay atong subayon sa “Hindi Tayo Pwede”, ay’g saba!