DI winnable ang standard bearer ang local nga kandidato sa Partido Liberal sa dakbayan sa Lapu-Lapu, hinungdan nga nibiya ang usa sa ilang kandidato pagka-konsehal.
Si Pastor Bobbie Cuenca nibutyag sa Sun.Star Superbalita nga wa na siya makasabot sa ilang pamaagi sa kampanya sa LP nga iyang gihulagway nga nagkayamukat.
Gitug-an usab ni Cuenca nga dako ang iyang kahiubos ngadto sa negosyante ug mayoral candidate Efrain ‘Jun’ Pelaez hinungdan nga nawala na ang iyang pagsalig.
“If he can’t solve his own problem (local party), how much more kon siya nay ma-mayor sa city,” kuwestiyon ni Cuenca.
Usa sa nahiubsan pag-ayo sa maong kandidato kabahin sa nikatap nga mga pasangil nga giluwatan sa kampo ni Pelaez batok sa anak ni Cuenca kinsa sakop sa core group sa LP nga matod pa tiggamitan og ginadiling drugas.