SA UNANG higayon, nisalmot ang Tropical Futures Institute (TFI) sa Art Fair Philippines nga gipahigayon sa The Link, Ayala Center didto sa Makati Center niadtong Pebrero 21 hangtod sa 23.
Gipakita sa TFI ang Dumaguete artist nga si Kris Ardeña, sa usa ka solo presentation nga giulohan og “Basahan”.
Matod ni Chris Fussner, co-founder sa TFI, nga unang higayon usab kini nga ang usa ka organisasyon nga nagbase sa Sugbo ang nisalmot sa Art Fair Philippines. Ang “Basahan” kay usa ka show nga nagpakita sa kanindot sa kultura sa mga Filipino sa matag adlaw.
Ang mga buhat ni Ardeña gibase sa socio-economic conditions sa palibot sa iyang studio ug sa iyang practice.
“The concept of ‘basahan’ is ubiquitous in the Philippines – we see it every day, we touch it every day. The practicality and simplicity of the upcycled object holds ideals of the future and carries a distinct symbol woven into each piece,” matod ni Ardeña.
Ang TFI kay usa ka multidisciplinary think-tank studio nga nagbase sa Sugbo, nga hugot nga nakiglambigit sa Cebu gallery 856G nga nagbutang og hiniusang cultural programming nga nagsumpay sa creative community sa Sugbo.
Ang TFI ug 856G Gallery bag-ohay lang nag-uban sa trabaho uban si Ardeña sa iyang solo presentation didto sa Dubai, United Arab Emirates. (PR)