Tricycle operators modangop sa korte

DI SAYON: Alang sa tricycle operators, di sayon ang dinaliang pag-ban sa mga traysikol sa national highways. Nagkinahanglan kini og igong panahon aron kapangandaman. (FILE)
DI SAYON: Alang sa tricycle operators, di sayon ang dinaliang pag-ban sa mga traysikol sa national highways. Nagkinahanglan kini og igong panahon aron kapangandaman. (FILE)

MOPASAKA og declaratory relief ang National Confederation of Tricycle Operators and Drivers Association of the Philippines (Nactodap) ngadto sa korte batok sa Department of the Interior and Local Government (DILG) nga nagdili na sa mga tricycle, pedicab ug mga motorized pedicab nga moagi sa mga national highway.

Gibutyag ni Ariel Lim, presidente sa Nactodap, nga mopasaka sila og petisyon sa Quezon City Regional Trial Court aron kwestyunon ang kamandoan sa DILG karong adlawa, Marso 2, 2020.

Matod niya, imposible nga mapatuman dayon ang maong mando tungod kay kasagaran sa mga lugar nga duawunon sa publiko anaa nahimutang sa mga highway sama sa mga eskuwelahan, merkado publiko, simbahan, ug ospital.

“Tama ba na ganon kadali at tatanggalin mo na? Paano yung mga pasahero, yung mananakay? Hindi lang ho kami ang pinagtatangol namin, kundi yung mga mananakay, yung mga estudyante,”pasabot ni saysay niya.

Ang DILG niisyu sa Memorandum Circular 2020-036 nga nagdili sa mga tricycle, pedicab ug motorized pedicabs sa nasudnon ug dagkong mga highway isip parte sa ilang road clearing project,

Sigon ni Lim nga di igo ang usa ka buwan nga gihatag sa DILG ngadto sa tricycle drivers.

Alang niya, nagkinahanglan kini og unom pa ka buwan aron matuman ang kamandoan.

“Not enough pa yung 1 month, sa pagpatawag o pagbuo lang ng city council ng ordinance then may hearing. Mag-meeting pa sa lahat ng drivers, transportation organization at business owners,” ingon niya.

Apan giklaro ni Lim nga di sila supak niini, apan di makaya ang gihatag nga oras ug panahon sa DILG kanila.

Ang mga local government unit (LGU) gtagalan hangtod sa Abril 30 sa pagpatuman niini.

Ang mga traysikol tugtan lang sa pagpamasahero sa secondary nga mga karsada. (B)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph