SUPERBALITA CEBU

Priority barangays nasuta nga huot, duol sa piligro sa sunog

KARON nga sagunson ang sunog sa Sugbo ug subay sa kasaulogan sa Fire Prevention Month karong Marso, gipahibawo sa Bureau of Fire Protection (BFP)-Central Visayas ang mga priority barangays ingon man ang gimonitor nila nga barangays nga nakita nga taas risgo sa sunog.

Matod ni BFP-Central Visayas Director Fire Senior Superintendent Gilbert Dolot nga ang pagpili nila sa maong barangays mao kini ang mga dapit nga daghan og tawo o kining congested, daghang informal settlers ingon man kasagaran sa mga gamit nga gigamit sa balay kining mga materials.

Sa dakbayan sa Sugbo, na-identify nga anaa sa priority barangays ang Barangay Pardo, San Nicolas, Mabolo, Parian ug Labangon.

Sa dakbayan sa Mandaue, nasuta ang Barangay Maguikay, Ibabao, Kasuntingan, Mantuyong, ug Subangdaku ang aduna'y taas ang risgo sa sunog.

Ang barangays sa Poblacion, Pusok, Babag, Basak, ug Ibo usab ang nasuta sa dakbayan sa Lapu-Lapu.

Matod ni Dolot nga kining mga nasuta mao kini ang mga aduna'y dapit usab nga lisod ang dalan pagsulod sa mga residential areas nga maoy hinungdan nga lisod isulod sa fire trucks kon aduna'y sunog.

Dugang sa direktor nga kining Oplan Ligtas na Pamayanan usa ka epiktibo nga programa nila sa ahensiya.

Usa sa ilahang gihimo karon kining community inspection diin ilahang bisitahon ang mga tagbalay sa barangay aron mag-inspeksyon ingon man sutaon kon unsa ang peligroso nga butang nga posibleng rason sa sunog.

Dinhi sutaon kon aduna'y igong dalan ang dapit nga kaagian sa fire truck, aduna'y igong supply sa tubig sa panahon nga gikinahanglan ug uban pa.

Ikaduha nila nga himuon kining Community Protection Plan, diin sutaon unsaon pagpugong nga masunog ang nasuta nga peligroso nga butang o dapit, ingon man ang pag-responde niini ug sutaon asa ang evacuation area.

Sa ikatulo na tukoron ang Barangay Fire Brigade, diin i-train ang mga residente sa barangay aron makahibaw kini sa pag-responde kon ugali nga aduna'y sunog ingon man aduna'y kaugalingon nga team ang barangay nga mo-check sa dapit nga peligroso sa sunog.

Sa uwahi, mao na kini ang execution ug ang practice plan aron ma-apply ang mga natun-an.

Nasayran nga 55 percent sa mga sunog nga natala, anaa sa mga residential area, samtang 80 percent niini nalambigit anh electrical problems.

Gani karong Martes, Marso 3, tagbuon ni Dolot ang mga fire marshal sa tagsa-tagsa ka sub-station sa Cebu, Mandaue, Lapu-Lapu, ug Cebu Province aron pagahisgutan nila ang mga dapit nga nagsige ang sunog karong tuiga ingon man ang kasaysayan niini sa mga nangagi nga tuig.

Ipaubos usab kini nila sa evaluation ingon man pagahisgutan ang best practices aron malikayan na kining sunog sa Sugbo.

Awhag ni Dolot sa publiko nga magpakabana dili lang kadtong mga firefighters apan lakip ang residente tungod kay para ra usab kini kanila.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph