MAO gyud kining pangutanaha ang nasud sa akong utok dihang unang nakadungog ko nga moluwat na sa pagkamayor si Valdemar Chiong sa Syudad sa Naga.
Diha man gud kita paglusad ni Mayor Val Chiong ang iyang programang Vision and Leadership (VAL) 2020 kaniadtong Septembre 5, 2007. Ug kada way sipyat nga tuig human niadto, dunay gilusad ang mayor og mga duha ngadto sa lima ka proyekto kada tuig subay sa maong programa.
Karong 2020 na, nakapanguta ko sa akong kaugalingon. Kutob ra ta sa 2020 mayor?
Kon buot hunahunaon man gud, 59 anyos pa kini si Val Chiong. Karong Septiyembre pa mo-senior. Hehe. Daghan pa kaayo kini og mahimo. Ngano gud mopahuway tawn?
Hagit
Hinuon, motuo ko nga ang gikinahanglan sa mayor mao ang mas dakong hagit aron mapadayon niya ang iyang mga development plans alang sa Syudad sa Naga nga ipadayon sa iyang anak nga si Kristine Vanessa Chiong.
Alang kanako, daghan pa kini og plano alang sa Naga si Mayor Val apan magpaluyo na lang siya sa iyang anak. Nakakita man ko sa ilang Land Use Plan. Daghan pa kaayo ang mahitabong kalambuan sa Syudad sa Naga.
Apan, sa akong tan-aw ni Mayor Chiong, mahimo na kining tanan ug dugang pa sa iyang anak. GIkinahanglan niya ang mas dako pa nga hagit.
Mao nga angayang modagan siya alang sa pagka kongresista karong 2022.
Gullas?
Nagtuo ko nga kining gibuhat ni Mayor Chiong, nakahatag ni Cong. Eddie Gullas og nindot nga rason for his exit. Ang pagporma og bag-ong distrito mahimong dakong kalamposan sa tibuok political career ni Edigul.
Hunahunaa nga human sa pagporma og tulo ka syudad, ang labing dakong kalamposan mao ang usa ka distrito.
Makaya ra man ang usa ka termino. Si Mandaue City Mayor Jonas Cortes, dihang usa ka neophyte congressman sa 6th district, nakamugna sa Mandaue nga usa ka distrito.
Kon matunga kini maong distrito nga layo pa ang 2022, mahimo nang dinhi modagan si Mayor Val.
Alang kanako, dili hagit alang sa mayor ang pagdagan kay ang nakapugong kaniya karon mao ra man ang kaikog sa mga Gullas.
Sa akong pangagpas, ang hagit alang ni Mayor Val mao ang mahimong kalambuan alang sa tibuok bag-ong distrito.
Dako kaayo siya og mahimo alang sa kalamboan sa Syudad sa Naga hangtod sa lungsod sa Sibonga. Lahi na baya ang level sa kalamboan alang sa usa ka kongresista. (@anol_cebu sa Twitter)