AGI og pagsaulog sa Safer Internet Day, niapil ang Globe Telecom sa civic groups Child Rights Network ug Plan International sa paghimo og awareness sa pagsumpo sa online sexual exploitation of children (OSEC) sa Pilipinas.
Si Miguel Bermundo, director sa Citizenship and Advocacy Marketing sa Globe, nituki sa tulo ka dagkong paningkamot sa kompaniya aron luwas ang mga bata sa paggamit sa internet.
Kini atol sa media launch sa Child Rights Network #ShutDownOSEC (Online Sexual Exploitation of Children) campaign, ug ang Safer Internet Day sa Plan International nga gitambungan sa gatosan ka mga tinun-an, ginikanan ug ubang stakeholders nga dunay topic “Building Resilient Online Community Against Sexual Abuse and Exploitation of Children.”
“These days, many children turn to the internet when they search for information, play, and communicate with their peers. However, without proper guidance, there is now a higher danger of children being exposed to sexual solicitation, cyberbullying, lewd and violent materials, among other disturbing content which may affect their well-being negatively,” matod ni Bermundo.
Gi-highlight ni Bermundo ang Digital Thumbprint Program (DTP) alang sa mga tinun-an, magtutudlo ug mga ginikanan isip inisyatiba sa Globe nga mapanalipdan ang kabataan sa higayon mo-connect sa Internet.
Ang DTP gilusad niadtong 2016 agi og tubag sa nagkadako nga pagpangabuso sa online nga naglambigit og kabataan. Kini nakadawat og Best Initiatives in Social Responsibility recognition gikan sa The Asset Corporate Awards niadtong 2018.
Pinaagi sa DTP, ang mga magtutudlo ug ginikanan mabansay sa pagtudlo sa mga estudyante bahin sa cyber safety ug security, digital citizenship, ug critical thinking.
Tungod kay mahinungdanon nga makat-onan sa kabatan-onan ang paghimo og insakto nga mga desisyon sa ilang matag adlaw nga gamit sa online pinaagi sa insakto nga kasayuran, ang Department of Education nisagop sa DTP ug mo-integrate og workshop modules sa values formation subject ubos sa K-to-12 curriculum.
Sa ingon niini nga paagi, tanang mga tinun-an sa tibuok nasod makabenepisyo sa lessons sa digital citizenship ug makat-on bahin sa mga responsibilidad sa paggamit sa online.
Nakig-partner usab ang Globe sa ABS-CBN Foundation Inc. pinaagi sa pagtanyag og toll-free calls ngadto sa Bantay Bata #163 helpline sa tanang Globe ug TM mobile phone users aron mas paspas ug sayon ang pag-report, pagluwas ug pag-rehabilitate sa masakiton ug giabuso nga kabataan.
Gawas sa DTP workshops ug helpline sa Bantay Bata, padayon nga gipalapdan sa Globe ang mental wellness support alang niadtong nakasinati og depression ug ubang mental illnesses.
Uban sa Natasha Goulbourn Foundation, nihatag ang Globe toll-free calls pinaagi sa HOPELINE 2919 alang niadtong nakaagi og emotional crisis ug nanginahanglan og dinalian nga assistance. (PR)