NAHUPAS ang ka-idlas sa drug suspect sa dihang nadakpan sa ikaduhang pagronda sa San Nicolas Police Station ug mga ahente sa Philippine Drug Enforcement Agency (PDEA)7 niadtong Domingo, Marso 1, sa Barangay Duljo Fatima, Cebu City.
Ang maong drug personality giila nga si Joseph Pelonio alyas Otep, 30 nga matod pa giila nga badlungon sa B. Aranas Extension, Barangay Duljo Fatima ug maoy subject sa ronda.
Laing lima pa ang nasikop nga sila si Dionisio Pelonio, 33, igsuon sa subject; Dennis Claro, 35; Pablo Heredia Jr., 46; Basildes Pelonio, 45; ug Eugenio Dela Cruz, 32, pulos nga silingan.
Si Investigayon Agent 1 Jessie Cabutotan, PDEA7 nibutyag nga nasakmit gikan ni Otep Pelonio ang gibana-bana nga P200,000 nga kantidad sa shabu.
Matud pa ni Cabutotan nga ubay-ubay nga reklamo ang ilang nadawat batok ni Pelonio sa padayon niining pagpamaligya sa illegal nga drugas.
Samtang si Otep mihimakak nga iyang ang nakuha nga drugas apan sa iyang laing igsuon nga si Nino kinsa nabalhug Cebu City Jail. (BBT)