Tabal sa Ottawa Marathon manimpalad

MANIMPALAD si Cebu running queen Mary Joy Tabal sa 2020 Scotiabank Ottawa Marathon, nga maoy katapusan niyang poruhan nga maka-qualify sa 2020 Tokyo Olympics human nakanselar ang tulo ka international races nga plano unta niyang salmutan gumikan sa hulga sa coronavirus disease (Covid-19) outbreak.

Ang mga nagpasiugda sa Hong Kong Marathon, Seoul Marathon ug Tokyo Marathon, nga pulos unta qualifying events alang sa Olympics, nakadesisyon nga dili na mopahigayon og lumba gumikan sa pagkuyanap sa Covid-19 sa ilang tagsatagsa ka nasod.

Ang Covid-19 nagsugod sa Wuhan, China ug ningkatap na kini sa nagkalainlaing nasod sa kalibutan.

Ang Ottawa Marathon, nga gikatakda karong Mayo 24, usa ka prestihiyusong marathon sa Canada.

“I’m still thinking of joining this race. Right now my chances of qualifying is very low,” pasabot ni Tabal sa interbyu sa Sun.Star Cebu, igsuong buhatan ning mantalaan.

Si Tabal, kinsa naka-qualify sa 2016 Rio Olympian, mosagubang og grabe ka lisod nga tahas sa sa Canada sa iyang tinguha nga makabaton og Olympic slot alang sa women’s 42-kilometer run.

Nagkinahanglan siyang makasulod sa Top 5 sa women’s standing o kaha makaabot sa Olympic standard time nga duha ka mga oras, 29 ka mga minutos ug 30 ka mga segundos.

“My chances on those two options are very low. I can’t catch up already on the ranking points since three races were already cancelled,” pag-angkon ni Tabal, kansang labing maayo nga oras sa full marathon kay 2:43:29

Nagkanayon ang dugay na nga coach ni Tabal nga si John Philip Dueñas nga makighugpong pa kanila ang major backer ni Tabal nga mao ang Motor Ace Philippines aron tukion ang gikinahanglang pundo alang sa pagdagan sa lumad nga taga Brgy. Guba, Cebu City sa Canada event. (RSC, ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph