Dabawenyos sa Russia chess

DAVAO. Gikan sa wala, Asian Para Games 2018 double team chess gold medalists Henry Roger Lopez, Jasper Rom ug FM Sander Severino ang maghugpong uban ang laing duha ka kauban sa Chess Olympiad 2020 Competition for Disabled, Hulyo 28 ngadto Agosto 5 sa Khanty Mansiysk, Russia. (Hulagway gipaambit ni James Infiesto)

SI KANHI Davao City standout Arena grand master (AGM) Henry Roger Lopez excited na sa iyang unang pagduwa sa Chess Olympiad 2020 Competition for Disabled karong Hulyo 28 ngadto Agosto 5 sa Khanty Mansiysk, Russia.

Ang 39-anyos nga 2018 Jakarta Asian Para Games double team gold medalist ug individual silver medalist Lopez, nga gikan sa Panabo City, makig-uban ni Fide master (FM) Sander Severino sa Silay City, Negros Oriental; Jakarta-based Jasper Rom sa Danao City, Cebu; Darry Bernardo sa Pampanga; ug Cheyzer Mendoza sa Camarines Sur.

“Of course, we are very happy and excited for the event because it will be our first time to represent the country in the world stage,” sigun sa Holy Crosss of Davao College alumnus sa SunStar Davao via Facebook, Lunes, Marso 2.

Si Philippines paralympiad team head coach James Infiesto nagsulti nga mga nasud nga motigi sa Russia nakabase sa ‘top highest Fide rated para chessers’ matag nasud.

Si Severino may kasamtangang Fide rating nga 2364, Rom 2202, Lopez 2107, Bernardo 2106 ug Mendoza 1639.

Ni Lopez, “We’ll just do our very best but of course we believe we can beat the number 1 team Russia in this event.”

Si Infiesto, sa laing pakighinabi nagsulti nga ang tim mipailawom sa pagbansay sa Philsports Complex alang sa Asean Para Games 2020.

Niya, bisan og nakapahuway ang tim, apan magpadayon ang ilang training sunod semana.

Suma sa Fide website, anaa sa 30 ka federations ang mosalmot sa Olympiad 2020 Competition for Disabled human ang selection process base sa rating system.

Mosalmot ang Russia uban ang Poland, Israel, Hungary, Croatia, Germany, Czech Republic, Belarus, Romania and Montenegro; Asia’s Kazakhstan, India, Philippines, Iran, Bangladesh, Uzbekistan and Kyrgyzstan; America’s Cuba, Venezuela, Colombia, Brazil, USA ug Panama; Africa’s Egypt, Zambia, Uganda, Zimbabwe ug Kenya.


SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.

Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!