GRABIHA niining maong matang sa sakit nga Covid-19 kay lagyo man ang mga nasud ang gisuroyan.
Miabot na didto sa Amerika, Europe ug Middle East. Apan mamili hinuon ug biktimahon. Kay ang dali mataptan ug nangamatay ang mga tiguwang man.
Basi sa migawas nga pagtoon usa ka porsento lang kon one percent sa mga bata ang natakdan sa virus ug wa pa gyud mamatay.
Mao ni ang Good News ! Kay mamili man diay ang maong sakit. Diba ang mga bata paubos sa 5 anyos huyang paman kaayo ug immune system
Bad news kay ang mga tiguwang nga hinay ug immune system maoy gihasi sa Coronavirus. Ganahan diay nig mga tiguwang ang klasi sa kagaw.
Ang Covid-19s nga made in China, nakatakod na ug mga dagkong opisyal sa mga nasud sama sa Iran ug nakapatay na gani ug prominenting pamilya.
Apan waman ta makadungog ug balita nga adunay mga opisyal sa nasud sa China ang nasakit sa maong virus.
Sa binugoy pa nga estorya, mora man ug gikontrolar ug tawo gigamit ang computer ang kagaw. Kay mamili man kinsay iyang takdan.
Ako ning gituyo sa paghisgot. Daghan man gud sa mga inahan akong nadunggan ang miingon nga kalooy sa mga bata.
Kini Nagpasabot nga wa sila mahibawo nga wapay gagmayng bata ang nataptan sa sakit nga gikahadlukan sa kadaghanan.
Karong bag-o gibawal nasab ang paghikap sa imong nawong. Gikan sa pagdili sa shake hands. Bisobiso.
Sa komedya pa, hay salamat kay wa gidili ang pag-lips to lips! Pagkabugoy naman Lang sab aning mga tawhana.
Kon ang atong pakighimamat ipaagi nalang nato sa kihat kihat, makiha man sab ta tungod sa bag-ong balaod.
Nakita raba sa mga pagtoon nga mosaka pa ang pagpanghasi sa Coronavirus.Samtang nagkaboang ang mga scientist sa pagtuon unsang matang sa tambal ang ilang mahimo. (Email: efrenlonzon71@gmail.com / Text:09235562777)