SUPERBALITA DAVAO

2 pamilya nag-away; 3 patay, 4 samaron

PIKIT, North Cotabato -- Namakwit ang gatusan ka pamilya sa pag-ulbo sa engkwentro sa mga armadong pamilya nga nagsugod alas 8 sa buntag niadtong adlaw nga Lunes, Marso 2, sa probinsiya sa Cotabato.

Matud ni Cotabato Police Provincial director Colonel Maximo Layugan nga nagka-engkwentro ang pamilya Caludin ug Makalugi sa Barangay Bulol, Pikit, North Cotabato.

Nakugang ang mga sibilyan sa mga buto-buto sa armas ug nanghikling paingon sa mga luwas nga dapit.

Ang duha ka pamilya pulos mga miyembro sa Moro Islamic Liberation Front (MILF) hinungdan nga pulos sila armado sa mga tag-as nga matang sa armas.

Gikomperma sab ni Pikit Mayor Sumulong Sultan nga giilugan sa duha ka pamilya ang napulo ka ektaryang yuta nga misampot sa pag-ulbo sa kagubot.

Mismo ang mga sibilyan ang nag-ingon nga tulo na ang napatay ug upat ang samaron sa pinusilay tali sa grupo ni Caludin ug Makalugi.

Dunay mga tawo na nga gitahasan si Mayor Sultan uban ang mga opisyal sa MILF aron resulbahon ang dumot sa magkaaway nga pamilya.

Sa kasamtangan, anaa lamang sa palibot ang puwersa sa 7th Infantry Battalion Philippine Army ug Pikit PNP nga nagbantay sa mga pamilya nga mihikling sa engkwentro sa mga armadong pamilya. (Edgar Fuerzas)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph