DUHA ka tunghaan sa Dakbayan sa Sugbo ang nakadawat og bomb threat Miyerkules, Marso 4, 2020.
Ang mga tunghaan mao ang Mambaling Elementary School ug ang Abellana National High School.
Miabot ang taga Explosives Ordnance Disposal (EOD) Central Visayas ug City Disaster Risk Reduction Management Personnel aron ma-assist ang situwasyon.
Kuyog ang mga K9 unit, gisusi sa EOD tagsa-tagsa ang mga klasrum ilabi na ang gihulagway sa nadawat nga text kon diin kuno nabutang ang bomba.
Wala'y nakit-ang bomba human ma-clear ang mga tunghaan. Miawhag ang awtoridad nga sa susama nga mga sitwasyon, dili dayon mag-panic ug motawag dayon sa mga hingtundang ahensya. (BBT)
[Kini nga balita nag-develop pa. Mamahimong mobisita balik o i-refresh ang page.]