4 ka sundalo angol sa ambush sa Negros

Negros Oriental map.
Negros Oriental map.

[UPDATED] -- Mga sakop sa 94th Infantry Battalion sa Philippine Army nga luwan sa sakyanan ang gipa-uwanan og bala sa giingong sakop sa New People’s Army (NPA) sa Barangay Luz, dakbayan sa Guihulngan, Negros Oriental, niadtong Marter sa gabii, (Marso 3).

Ang maong insedente miresulta sa pagka-angol sa upat ka sundawo.

Matod pa ni 2Lt. Niel Christian Cureg nga gibana-bana lima ka mga rebelde ang mi-atake sa pundok sa army samtang ang sakyanan nga ilang giluwanan nagsubay sa national highway sa Isabela, Negros Occiddental sa dihang kalit mi-ulbo ang improvised explosive device (IED) dungan sa pagpa-arak ngadto sa mga sundawo.

Mibawos ang habig sa kasundalohan diin milanat sa 10 minutos ang pagsinukliay sa bala.

Wa magdugay misibat ang mga armadong rebelde nga paingon sa Barangay Banog-banog, lungsod sa Isabela, Negros Occidental.

Ang maong engkwentro miresulta sa pagka-angol sa upat ka sundalo naglakip nilang 2nd Lieutenant Cureg, Corporal Navilla, Sergeant Alegroso ug Corporal Romero kinsa pulos anaa na sa tambalanan.

Gituohan usab nga adunay samaran sa habig sa mga rebelde tungod sa mga dugo nga nakita sa dapit diin sila naka posisyon.

Si Lieutenant Colonel Egberto Dacoscos, Commanding Officer sa 62IB sa iyang pamahayag nga ang gika-engkwentro sa mga sundalo mao ang “Leonardo Panaligan Command”.

Gikondinar usab nila ang paggamit sa NPA sa IED tungod kay kalapasan kini sa balaod sa gubat. “The continuous use of IEDs by the terrorist group clearly violates the Ottawa Treaty and the Comprehensive Agreement on Respect for Human Rights and International Humanitarian Law (CARHRIHL),” matod ni Lt.Col. Dacoscos.

Sa sayo pa, mga residente mipahibawo sa mga sundalo nga adunay presensiya sa mga teroristang grupo sa Barangay Binobohan, Guihulngan City nga miresulta sa pagkamatay sa duha ka sakop Special Partisan Unit (SPARU).

“I am encouraging the people of Guihulngan City as well as all of the Negrenses that it is now time that we work together against the NPA Terrorists,” dugang ni Dacoscos. (AYB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph