Ciro Tarallo (Facebook)
Ciro Tarallo (Facebook)

Super Ka: Ciro Tarallo Ang Italian Cutie nga Bisdak

PAMILYAR tingali mo sa Italyanong si Ciro “Kieroh” Tarallo kay nigawas na siya sa “Kapuso Mo, Jessica Soho” sa GMA-7 niadtong September sa miaging tuig.

Na-featured siya sa maong weekly TV news magazine show ni Jessica human nag-viral ang litrato nila sa komedyanteng si “Babajie” nga giingong maoy nakabihag sa iyang kasingkasing.

Ang 19-anyos nga modelo-aktor nahimo sad nga SEE-cret songer sa December 29 episode sa “I Can See Your Voice”, ang mystery music game show sa ABS-CBN diin siya usab ang nidaug.

Iyang nailad ang celebrity contestant nga si Ethel Booba nga iyang naka-duet sa pagtuong SEE-nger siya apan SEE-ntunado diay.

Napadpad sa Sugbo si Ciro Tarallo dihang naminyo ang iyang Italyanong amahan sa usa ka Cebuana. Mga lima pa lang sila katuig sa Sugbo apan makurat ka sa kalarino na ni Ciro sa pinulongang Binisaya.

“Ako ra, maminaw ra ko sa mga tawo while mag-estorya sila,” paambit pa niya sa Superbalita Laysho kon giunsa niya pagkat-on.

Si Ciro sayo nga nakigbisog sa kinabuhi sanglit 12 anyos lang siya dihang giabandonar sila sa iyang inahan nga usa usab ka Italyana. Di kalikayan nga bation siya og kasina sa iyang mga classmate nga naa kanunay ang mga inahan sa ilang kiliran.

Apan matod niya nga inay mawad-an og paglaum iya ning gigamit nga inspirasyon. Nigradwar siya og SHS-STEM (Science Technology Engineering and Mathematics) ug nitrabaho isip modelo ug talent sa mga TV production.

Apil siya karon sa duha ka international films nga gi-shoot sa Cebu ug duna sad siyay mga endorsement. Gawas sa showbiz, ang ultimate dream niya ang mahimong doctor.

Wa tingali imposible basta magkugi lang labi na kon ingon ani ka buotan ug ka-cutie ang mosugat sa imong panan-aw siguradong daghan gyung oportunidad ang magpangamay, magpangidhat ug maglaway.

Ciro Tarallo, Ssssuper Ka!!!

What did you do with your P25,000 cash prize for winning I Can See Your Voice?

I bought some materials for vlogging. Di pa siya officially open so gamay pa iyang views.

Kadto si Babajie nagkauyab mo?

Wala uy. We are just friends.

Nganong nagkaila man sad mo ni Babajie?

Nagkita mi sa backstage sa Eat Bulaga. Nagtan-aw ra ko ato kay friend man mi ni Diego (Diego Llorico sa Bubble Gang).

Wa ka mahadlok ma-question imong sexuality?

If they call me bisexual or gay, I don’t care. I don’t find it a discrimination.

Are you in a relationship?

Nope. Before, naa, twice.

Kinsay kauban nimo karon sa Cebu?

My step mom sa Mandaue city.

Pila mo kabuok managsuon?

Duha. Akong kuya maoy nabilin sa Naples, Italy.

What do you like about Cebu?

The people and the food.

Unsay paborito nimong food?

Lamoy sa Guadalupe.

If ever unsaon man ka pag-contact?

One may get in touch with my manager, si Michael Soria sa Gorgeous Star Talent agency.

Related Stories

No stories found.
SunStar Publishing Inc.
www.sunstar.com.ph