TRENDING karon sa social media ang usa ka post kung asa gilungkab ang patayng lawas sa usa ka bata ug gitouhang gibinuangan sa Barangay Anakan, Gingoog City.
Sa post ni Queen Ricah Casing Demata, iyang gibutyag nga gilubong ang lalaki nga bata niadtong petsa 1 sa Marso ning tuig. Gibutyag niini nga iyang ig-agaw ang maong bata.
Gituohang sa petsa 2 gilungkab ang pantyon niini nga gilubong sa Anakan private cemetery kay adunay nakamatikod.
Petsa 3 na sa Marso nahibalo ang pamilya sa bata.
Ang giingong sapurtero nga nakadiskibre nga abri ang pantyon ug ang lungon naabri sab apan wala nay sulod.
Sa pagpangita sa sulod pila ka metros, ang kalay ano nagkulob na ang bata sa ilawom sa punoan sa Talisay. Wala nay sapot ang ubos nga bahin ug namatikdan adunay tahi sa iyang tiyan nga bahin.
Dili pa masuta kung unsay gikuha sa tiyan sa bata. Apan daghan nagtuo nga gikuhaan kini og organ.
Gipangayoan na sa Superbalita Cagayan de Oro og reaksyon ug update niini si Police Lieutenant Colonel Ariel Phillip Pontillas, ang hepe sa Gingoog City Police Station, apan sa pagsulat ning balita, wala pay tubag.