NAPALPAK ang suway nga pagsibat ug naangol pa gikatahapang durugista nga giingong no. 3 nga high value target individual (HVI) nga nasikop sa San Nicolas Police Station alas sa Martes sa gabii, Marso 2, 2020.
Tungod sa iyang samad sa nawong, gi-hospital arrest si Noli Aban, kinsa nasugatan sa mga personnel sa Drug Enforcement Unit (DEU) nga padung unta nga mag anti drug operation sa Barangay Pasil, Dakbayan sa Sugbo.
Si Aban nga nakakita sa mga pulis nisuway sa pagsibat, apan wa kahinayon tungod sa pagka-corner. Girikesa si Aban ug nakuhaan og duha ka bulto sa gituohang shabu ug gagmay nga mga pakete niini.
Gibana-bana nga kapin sa P70,000 ang kantidad sa shabu nga nasakmit gikan kaniya base sa Dangerous Drugs Board (DDB) value.
Si Aban gisakay sa motorsiklo sa pulis nga nakapusas paingon sa stasyon, apan niambak dala ang pusas aron mosibat.
Apan gidimalas kay napakong ang iyang nawong sa usa sa mga haligi gawas sa usa ka tindahan sa Barangay Pasil nga miresulta sa pagkasamad sa nawong. (BBT)