SI KANHI University of Mindanao (UM) Wildcats player Peter June (PJ) Simon nangandoy sa mas simpleng kinabuhi dinhi sa Davao City sa iyang pagretiro karong summer human sa iyang pagduwa sa Magnolia/Purefoods sud sa 17 ka seasons sa Philippine Basketball Association (PBA).
“Yes, it’s time. Mag 40 nako karong June. Thankful kaayo ko kay gi-allow ko ni God nga i-fulfill nako iyang purpose sa akoa as a basketball player,” ni Simon sa pakighinabi sa SunStar Davao sa Facebook, Marso 4.
Dugang niya, “Mag-base ko syempre sa Davao mao gyud na akong dream mubalik ug asa ko nag start tapos diha na mag-stay nga simpleng buhay lang.”
Si Simon, nahimugso sa Makilala, North Cotabato, nagdugang, “Honored kay gamay rami player nag-stay in one team for a long time. Tapos thankful ko sa Magnolia Purefoods kay same honor ilang gihimo sa akoa sa pag retire ni Alvin Patrimonio.”
Niya, ang rason nga ang pagpabilin og dugay sa usa ka tim tungod sa “character, attitude and discipline”.
Gipaambit sab niya ang mga pagtulun-ang napunit, “Never give up even if the odds are against you. Believe in yourself, be humble in defeat and victory. Work hard to be the shape of your life so you can compete with best players in the PBA. Be disciplined in your craft and always aknowledge God is the source of your talent and strength.”
Di sab niya malimtan ang grandslam win sa San Mig Super Coffee Mixers ug uwahing pagkampeyon sa Magnolia niadtong 2018.
“I hope daghan ma-inspire sa akong story kay nothing is impossible gyud with God. I hope na open nako ang door diha sa Mindanao nga kaya nato makasulod diri sa PBA,” niya nga minyo sab sa Dabawenyang beauty queen nga si Jehza Huelar.
Nakakolekta siya og walo ka PBA championship titles, walo ka All-Star appearances, duha ka Mr. Quality Minutes nga pag-ila ug PBA 2019 Three-Point Shooting crown.