ANG Rancho Palos Verdes Golf and Country Club (RPVGCC) 2 miangkon sa ikalimang pwesto sa Sportswriters Division samtang ang Davao City teams nagkapuliki sa 73rd Philippine Airlines Men's Interclub sa Bacolod City Golf and Country Club, as of Huwebes, Marso 5.
Ang RPVGCC Team 2 golfers mihakot og puntos nga 89 sa ikaduhang adlaw, diin si Gamirin Jerico Bajo mihatag og 30 puntos, samtang si Oscar Rebosura dunay 23 ug sila Jessie Tan Jr. ug Emmanuel Sanchez may 18.
Samtang sa Marapara Golf and Country Club, RPVGCC 2 golfers naghugpong alang sa 82 nga resulta atol sa pagbukas, Miyerkules, Marso 4, sunod sila Ludwig Ledesma's 25, Jose Simeon Gonzalez's 20, Jessie Tan Jr.'s 20 ug Alejandro So's 17.
Ang tim mihakot og 171, 18 points nga nagsunod sa nag-una nga Guinhalaran Golf (189).
Sa Founders Division, Apo Golf and Country Club Team A nagkapuliki sab sa 14th spot uban ang 74.
Si Joel Yamyamin miposte og 27 samtang ang teammates Robert Bandolon, Socrates Cadayona ug Fraz Niño midugang og 20, 17 ug 10. Ang tim mikamada og 150 human ang duha ka adlaw.
Samtang ang RPVGCC Team 1 anaa sa seventh place sa Aviator Division.
Ang RPVGCC Team 1, may paglaum pa nga molambo ang ranking samtang nagpadayon pa ang aksiyon.