SUPERBALITA DAVAO

Talento: The future will tell

Panglantaw

MAAYONG adlaw mga ka-SuperB! Ang African Swine Fever (ASF) padayong hinungdan sa labad sa ulo ug kalawasan sa atong mga kaigsuonan nga nagbaboyan, negosyante ug konsumante.

Sa nasud Japan, gisuspende ang mga klase ug giawhag nga sa balay una magtrabaho ang mga empleyado tungod sa Covid-19, migo. Tulo na ka Pilipino ang naigo sa virus ngadto sa Hong Kong. Natala na pod ang unang namatay nga pasyente sa nasud Amerika ug padayong nagataas ang ihap sa nangamatay sa kalibutan, higala.

Si Kim Chui, gi-ambush maayo na lang wala naigo sa bala apan syempre na trauma. Ang mga opisyal sa Philippine National Police (PNP) nadisgrasya, buhi pa apan duha kanila anaa sa kritikal kaayo nga kondisyon. Ang istasyon sa ABS-CBN, naningkamot ug naningtiil aron maaprobahan ang ilang aplikasyon sa bag-ong prangkisa.

Ang boss nako kaniadto, tanggal na sa taas nga posisyon sa trabaho kay adunay anomalya kuno. Ako ug ang akong higala, nag-testing og apply, titser kuno sa China pero wala kami nakapasa ha ha ha!!! Ikaw, unsa pod imong makaguol ug makakatawa nga mga eksperyensya?

Normal kanato nga mangambisyon ug magplano aron sa mas hayag nga kaugmaon apan ang pangutana "buhi" pa kaha ta sa mga umaabot nga mga adlaw?

Ang manunulat sa Salmo (Bibliya) kapitolo 39 nagkanayon nga ang kinabuhi sa tawo usa lang ka gininhawa. Nagatigum siya'g mga bahandi wala hibalo-i kung kinsa ang makakuha niini.

Dili ra gyud nato mahibaloan kung hurot na ang atong oras dinhi sa kalibutan, busa dili nato kini usikan. Adlaw-adlaw, daghang nakalas nga kinabuhi sa kalsada tungod sa disgrasya ug daghang nakutloan og ginihawa sa mga ospital o bisan sa sulod sa balay nila. Walay makapungong sa kamatayon nga moabot sa atoa.

Mubo ang kinabuhi sa kalibutan, ang kauswagan daw mohalok sa makadyot sa atong kapalaran. Dili kaayo ta magpa-stress aron madatu kay makapatay kana! Nindot pod nga atong minusan ang mga hilas sa atong mga kalawasan ug buhian ang mga pagdumot sa mga nakapasakit sa atong dughan.

Pilion natong magmaya sa simpleng rason nga buhi pa kita hangtod karon. Dili na nato kinahanglang mangitag komplikadong rason aron magmalipayon. Ato na lamang Siyang hangyuon nga kita magmalahutay karon ug sa umaabot nga mga pagsulay sa kinabuhi, igsuon, Amen?


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph