NIREKLAMO ang Globaltech Peryahan ng Bayan sa pagdakop sa mga pulis ilang mga trabahante ug booths nga gimontar sa pipila ka mga dapit sa Central Visayas bisan kon aduna silay legal nga pagtugot sa korte.
Si manlalaban Bernard Vitriolo, vice president for legal sa Globaltech Mobile Online Corporation nga nag base sa Ortigas Center, Pasig City, nagkanayon nga mopasaka siyag kasong indirect contempt sa Regional Trial Court sa Pasig City ug Ombudsman.
Gawas sa kasong kriminal, iya usab nga idangop ngadto sa Ombudsman ang kasong gross misconduct aron ipataktak niya sa serbisyo ang mga pulis nga naglangkob sa pagpanakop sa mga outlet sa Globaltech.
Iyang gipasabot nga aduna silay gihuptan nga papel nga final and executor decision gikan sa Court of Appeals nga magpadayon sila sa ilang operation.
Ningkuha na silag mga ebidensya niadtong mga pulis nga ni-raid sa ilang outlets aron lig-on ang ilang kaso nga ipasaka sa korte.
“Kaya po kami ay naghahanda para kasohan. Kahit po saan makarating, kahit po sino ang involved, kakasohan po namin sila. Ito at ito po ay gagawin namin as soon as possible,” matod ni Vitriolo.
Dugang ni Vitriolo nga ang Police Regional Office 7 (PRO) 7 lang ang nanakop sa mga outlet sa Globaltech sa tibuok nasud. Wa sila masayod unsay motibo sa kapulisan.
Sa ubang rehiyon, matod niya, nga girespeto sa mga pulis ang kamandoan sa Court of Appeals.
Andam
Apan si Police Brigadier General Albert Ignatius Ferro, hepe sa kapulisan sa Central Visayas, andam moatubang sa kaso nga ipasaka sa Globaltech tungod kay igo ra sila misunod sa kamandaon sa Malacanang. (AYB)