NI-RESIGN na gayud ang Wowowee main dancers nga sila Luningning, Milagring ug Mariposa sa Wowowee last February 26.
Matud sa tulo nga buot nila og career move gawas pa sa ginagmay nga mga isyu tali kanila ug sa show.
Sumala sa tulo nga nananghid sila og tarong kang Willie bahin sa ilang resignation. Nananghid sab sila sa kanhi nilang manager nga si Ana Feliciano sa pagpili sa laing dalan.
Aminado ang tulo nga mas bagets karon ang mga bag-ong dancers ni Willie sa Wowowee apan ilang gibutyag nga wala sila na-insecure mao nga ni-resign sila sa show.
Nila, may mga pamilya sab silang nagsalig kanila ug kung may mas dakong oportunidad, didto sila.
Ang istorya, wa nagduha-duha ang tulo sa pag-resign tungod kay gi-pirate na sila sa TV 5. Halos triple daw ang ilang talent fee gawas pa nga wala sila'y kakumpetensiya sa show.
True kaha itech?
Well, in fairness, ang tulo, may mga ngalan na sab in terms of dancing. Apan ang ilang mga ngalan, kanunay gayud nga i-tag sa Wowowee.
Mogawas pa kaha gihapon ang powers nila ni Luningning, Mariposa ug Milagring bisan naa na sila sa TV 5 ug wala na ang ilang Papi nga si Willie?