3 ka Insik gikidnap di mokiha

ULI: Kay di na man mokiha ang duha ka mga biktima sa kidnap for ransom, hayan i-deport na lang sila balik sa China. (Arnold Y. Bustamante)
ULI: Kay di na man mokiha ang duha ka mga biktima sa kidnap for ransom, hayan i-deport na lang sila balik sa China. (Arnold Y. Bustamante)

DI NA mopasaka og kasong kidnapping ang tulo ka mga Insik nga gidagit sa duha ka mga Chinese national sa kahadlok nga baslan ang ilang pamilya sa China sa grupo sa mga sindikato.

Matod ni Police Brigadier General Albert Ignatius Ferro, hepe sa kapulisan sa Central Visayas, nga ilang gipahunat ang mga biktima apan daw sa way plano nga moreklamo ngadto sa Lapu-Lapu City Prosecutor’s Office (LCPO).

Silang Xu Qin, 29, ug maguwang nga si Xiang Qin, 30 ug Sun Guo Dong, 21, nagdumili sa pagluwat sa pinanumpaang pamahayag. Matod ni Ferro nga ang labing maayo nilang mabuhat mao ang pag-deport kanila ni A Gui ug Xiao Fan.

“It seems that the victimS don’t want to file any case. We cannot force them to execute an affidavit and if we force them, it will be inadmissible because it’s against their will,” pasabot ni Ferro.

Dugang ni Ferro nga sa pagkakaron, ang iyang mga sakop nakig-alayon pa sa Chinese consulate tungod kay sila ang nangayog panabang sa kapulisan.

Angay lang nga sila usab ang mangusog sa pagpasakag kaso batok sa duha. Sila si Gui ug Fan naa pa hinuon sa kustodiya sa Anti-Kidnapping Group Visayas Field Unit.

Kon di ihinayon sa mga biktima ang pagpasakag kaso, andam nila kining buhian tungod sa reglementary period.

Gibutyag ni Ferro nga posibling sakop sa usa ka dakong sindikato ang mga suspek.

Nagtuo si Ferro nga adunay mga kauban sila si Gui ug Fan sama sa mga sindikato sa mga Insik nga naglihok sa kaulohan.

Dako usab ang posibilidad nga aduna kini koneksyon sa mga pagpangdagit sa Manila. (AYB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph