USA ka magtiayon gisikop sa mga sakop sa Digos City Police Office (DCPO) kay nag-atubang og kasong pagpameke og pampublikong dokumento subay sa mando sa korte.
Sila si Senior Police Officer 3 Paulino Cabrillos ug PO3 Julius Patinio, mga sakop sa Davao del Sur Criminal Investigation and Detection Team (CIDT) niadto sa Barangay Astorga, lungsod sa Sta. Cruz, Davao del Sur aron pagsikop nila ni Domingo, 66 ug Silveria Timtim, 65, ug mga lumolupyo sa dapit.
Sigon sa kapulisan bitbit nila ang warrant of arrest sa kasong kriminal numero 01 (01) nga gipaguwa ni Judge Norma Ruste-Caltrava sa Municipal Circuit Trial Court sa dakbayan sa Digos, pinitsahan Enero 19, 2010.
Gikustudiya na sa kapulisan ang ilang dinakpan samtang gitakda ang pagtunol kanila ngadto sa hukmanan. (Dondon Dinoy)