Yap: Boring kuno ang dula!

SA MIAGING semana misaad ako nga hisgutan nato ang dula ni Pacquiao ug Clottey. Human sa maong dula, daghan ang mga pagsaway nga migawas tungod kay dili kuno maayo ang away, wala kuno'y drama sa laing istorya boring kuno kaayo kini.

Nakita man gyud nato ang maong away, dili baya basta-basta kini si Clottey kay kusgan baya pud. Kabalo man kita nga last minute kini siya nga choice ug dapat pud nato masayran nga kini siya emerging kini siya nga boxer ug biktima ni siya sa racial discrimination sa natad sa boxing ilabina kadtong nakakita sa iyang away batok kay Cotto.

Ug nalipay kaayo ako nga siya ang gipili ni Pacman tungod kay aduna siya'y higayon nga mosikat kaayo. Kadtong dula nila deal kadto nga maangat si Clottey and mapakita nila nga mayo gyud si Pacquiao ug nanawagan gyud sila kay Mayweather na mo-away kay Pacquiao.

Kita nga mga observer, dapat nato pud mosabot kung unsa ang mga panghitabo behind the scene. Sa interview pa ni Clottey sa Ghanian newspaper nga ang iyang makita sa maong away iyang tigumon aron aduna siya’y kwarta. Aha ka anang 1.2 milyones dolyares plus share pa niya sa pay per view. Hinumduman nato nga negosyo ang boxing. Muna nga husto na ang mga reaction nga boring ug uban pa.

Hisgutan nato nga si Pacquiao u gang iyang kandidatura. Pastilan man gyud ni siya. Aduna man siya'y katungod nga modagan tungod kay qualified man siya, pero iya unta hunahunaon nga dili ni iyang linya ug daghan paagi magserbisyo sa nasud. Nasulsolan intawon ni siya sa mga politico nga gapalibot niya sama ni Atienza, Chavit ug Arroyo. Pildi man gani siya kay Darlene Custodio karon pa hinuon kay Chiongbian.

Basin lahi ang mga botante sa Saranggani. Naa rana nila kay we deserve man the leaders we get, because we voted for them. Kang Arroyo man kana nga pakana tungod kay gusto man siya mahimong Speaker of the House. Namundo gyud siya sa iyang boto tungod kay iyang mga alipores nanagan man sa kongreso. Kung unsa man ang mahitabo sa Pilipinas, the Filipinos deserve what they get because we voted these people to lead us. Muna nga mintras wala pa ang piniliay, kinahanglan natong huna-hunaon ug maayo ang mga lideres nato kung kinsa angayan botohan. Naa man sa atong mga kamot ang ugma sa atong nasud.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph