Gikan nag-night swimming nabanggaan

KRITIKAL ang kahimtang sa usa ka dalaga human nabanggaan kagahapon mga alas 4:15 sa kadlawon, sa lungsod sa Opol, Misamis Oriental.

Giila ang biktima nga mao si Rizzi Jean Reyes, 22, dalaga, taga Cugman ning siyudad sa Cagayan de Oro.

Nasayran nga kuyog ni Reyes ang iyang uyab niadtong higayona ug gikan nga nag-night swimming sa beach sa maong dapit.

Dihang nagdesisyon nga manguli, miatang og masakyan ang biktima kuyog sa uyab apan si Reyes ang kalit lang nga mitabok sa kalsada hinungdan nga nasapon sa usa ka van ug maayong pagkabangga.

Ang van gimaneho ni Edgar Circulado, kinsa gikostudya niining panahona sa Roads and Traffic Administration (RTA).

Giingon sa driver nga daw wala nagtan-aw si Reyes sa wala og tuo nga bahin sa kalsada hinungdan nga nasapon sa iyang giamnehong van.

Tungod sa kakusog sa impact sa pagkabangga Si Reyes nakaangkon og ubay-ubay nga samad ug bun-og sa lawas, nasayran nga nabali ang tiil og paa sa biktima.

Gidala pagdali sa Northern Mindanao Medical Center si Reyes ug kasamtangan nga giatiman sa mga doktor.

Hinuon gibutyag sa driver nga andam siya sa pag-abag sa galastuhon sa balay tambalanan apan ang kaso padayon pang giatiman sa taga RTA.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph