GIBUTYAG ni Floyd Mayweather Jr. nga andam siyang molugnot gikan sa pagretiro aron mobalik og away karong tuiga apan sa makapaigking nga kantidad – naglagiting nga $600 million.
Matod ni Mayweather nga duha ka fighters ang iyang gipilian nga pulos superstars sa mixed martials arts nga sila si Conor McGregor o UFC lightweight champion Khabib Nurmagomedov.
Gitataw sa kanhi pound-for-pound boxing champion nga nagkasulti na sila ni UFC boss Dana White kabahin niini apan wala pa’y klaro kon madayon ang away.
“Like we talked about on social media, there’s two names right now,” matod ni Mayweather nga napatik sa www.boxingscene.com.
“We talked about the Conor McGregor fight, we talked about the Khabib fight. For myself, the number is $600m. If I’m going to go out there and risk it, it’d have to be worth it.”
Gipasabot ni Mayweather nga usa siya ka negusyante hinungdan nga pilion lang niya ang kontra nga sa iyang tan-aw makahatag kaniya og dakong kantidad.
Basi sa premiro niyang pagpakig-away kang McGregor diin midaog siya pinaagi sa 10th round TKO, nagtuo si Mayweather nga dakong kantidad ang kitaon kon mag-engkuwentro sila og balik.
Mao sab kini ang pagtuo ni Mayweather (50-0, 27 KOs) kon ang iyang ikaharong mao si Nurmagomedov, kinsa mao karon ang usa sa labing sikat sa UFC.
Gikompirmar ni White nga nakigsabotsabot siya ni Mayweather kalabot sa pagbalik niini ibabaw sa ring karong tuiga.
“Floyd and I have been talking tonight. We’re doing something with Floyd,” ingon ni White.
“There’s so much going on, but Floyd is in our plans and we are in Floyd’s plans this year. “We’ll end up doing something.” dugang padayag ni White. (ESL)