MIPADAYAG og suporta ang Aboitiz InfraCapital, Inc. alang sa water resilience ug kaluwasan niini uban sa water business units niini, ang Apo Agua Infrastructura, Inc. ug Lima Water Corporation, atol sa convention sa Philippine Association of Water Districts (PAWD) sa siyudad sa Davao niadtong Pebrero 4 hangtod sa 6.
Sa usa sa mga session sa convention, gipailaila ni Apo Agua General Manager Ones Almario ang water portfolio sa Aboitiz InfraCapital ug nipaambit sa updates sa Apo Agua ug Davao City Bulk Water Supply Project (DCBWSP) ug ang ilang mga paningkamot alang sa kalikupan.
Ang Aboitiz InfraCapital misagubang sa tanang infrastructure ug infrastructure-related nga investments sa Aboitiz Group.
Ang kompaniya nipahimus sa kahigayonan nga ningsulbong ang kauswagan ug ang saad sa gobiyerno sa pagpalambo pinaagi sa pagpatukod og igong mga imprastruktura nga mopauswag sa patigayon ug mga komunidad.
Ang Apo Agua, usa ka joint venture company tali sa Aboitiz InfraCapital ug J.V. Angeles Construction Corp., sa kasamtangan ningpatukod sa DCBWSP nga nagtinguha makahatag og supply sa tubig ngadto sa sobra usa ka milyon ka Davaoenos ug sobra sa 300 milyones ka litro sa tubig matag adlaw sa unang tunga sa bahin sa 2021.
Samtang, ang Lima Water maoy nag-supply og tubig ug nagbuhat sa wastewater treatment services ngadto sa labing dako nga multinational firms nga nagbase sa Lima Technology Center sa Batangas.
Ang Aboitiz InfraCapital kay kaabag usab sa Balibago Waterworks System, Inc. nga nagserbisyo sa 200,000 ka households sa franchise areas sa Pampanga. (PR)