NAGPANINGGIT sa kasakit si Kris Aquino human siya mahapla sud sa bathroom sa Shangri-La Boracay sa dihang nahuman na siya sa pagkaligo.
Dali nga mitabang ang iyang youngest son nga si Bimby human nga milagubo ang banyo ug nagpangping-it ang iyang inahan.
Gitapisan gilayon siya og tualya ug gitambagan nga dili molihok sa kabalaka nga napiang or adunay dislocation diha sa iyang lawas, taho sa PEP.ph.
Gisakitan si Kris sa iyang pagbarog hinungdan nga gikugos nalang siya ni Bimby ug gipainom og tambal, samtang si Joshua maoy miatiman niya atol sa ilang pagpamahaw.
Tungod niini dako ang pasalamat ni Kris sa iyang mga anak nga maoy iyang katimbang ug iya nang masaligan. (B)