Murder gipasaka batok suspek

KASONG pagpatay ang atubangon sa suspetsado kinsa maoy gitumbok nga nipatay sa sakop sa Roads and Traffic Administration (RTA) sa Barangay Puerto, Siyudad sa Cagayan de Oro.

Kumpiyansa ang kapulisan sa Cagayan de Oro Police Office (Cocpo) nga si John Mark Rayon, 24, kinsa nasikop sa buy-bust operation sa Misamis Oriental, maoy suspek pagpatay ni Mark Langam.

Sa pakighinabi sa SunStar Superbalita kang Police Major Evan Viñas, tigpamaba sa Cocpo, nga padayon pa ang ilang imbestigasiyon karong panahona apan kumbinsedo nga si Rayon ang suspek.

Giingong ipasaka ang kaso karong adlawa, Lunes, Marso 9, 2020.

Wala pa usab nakahigayon pakighinabi ang kapulisan sa inahan sa biktima kay nagpahiluna pa sa haya ug lubong sa bana ug anak.

Gibutyag ni Viñas nga positibo nga gitudlo sa saksi si Rayon diin susama usab kini sa nakuha sa closed-circuit television (CCTV) camera rason nga kasong murder ang ilang ipasaka.

"Yes murder ato e-file, separate case ang ato," dugang pa.

Nasayran nga hugot nga gipanghimakak ni Rayon ang alegasiyon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph