TUNGOD sa hulga sa Covid-19, ang klase sa tanang ang-ang sa mga tunghaang pribado ug publiko sa mga dakbayan sa Manila ug Caloocan suspendido na.
Si Manila City Mayor Francisco “Isko” Moreno Dominggo nideklarar og suspensiyon sugod kagahapon, Marso 9, ngadto sa Marso 15.
Samtang, si Caloocan City Mayor Oscar “Oca” Malapitan nisuspensi sa mga klasero sugod karon, Marso 10, ngadto sa Marso 11.
Si Malapitan nimando sa tanang opisyal sa publiko ug pribadong tunghaan sa paghimo og general sanitation ug disinfection sa ilang campuses sa maong mga adlaw ug paglatid sa precautionary measures batok sa virus.
Upat ka mga bag-ong coronavirus disease (Covid-19) ang kompirmado niadtong Dominggoi, Marso 8. Naghatod sa 10 na tanan ang kaso sa nasod.
Sumala sa Department of Health (DOH), ang laboratory test results sa upat ka mga pasyente ang giluwatan niadtong Dominggo ug tanan positibo sa novel coronavirus, the pathogen nga hinungdan sa Covid-19.
Ang upat naa sa isolation sa pribadong mga ospital.
“DOH is currently investigating all the cases and gathering patients’ information from respective hospitals,” matod ni DOH Secretary Francisco Duque III.
Ang ikapito nga kaso usa ka 38-anyos nga Taiwanese nga lalake nga dunay nakakontak sa laing Taiwanese national, kinsa nibisita sa Pilipinas nga positibo sa Covid-19.
Ang ikawalo usa ka 32-anyos nga Filipino nga lalake nga nakabiyahe sa Japan. Ang ikasiyam usa ka 86-anyos ang Amerikano. Ang ika-10 usa ka 57-anyos nga Filipino nga lalake nga way history sa foreign travel. (HDT, NJN sa SunStar Philippines)