SUPERBALITA CEBU

Garcia: pagpili, i-quarantine o mouli?

IPAUBOS sa mandatory quarantine ang tanan nga mga pasahero nga gikan sa Italy ug Iran tungod sa pagkatap sa novel coronavirus sugod sa Miyerkules, Marso 11, 2020.

Kini mao ang kamandoan nga gilaraw nga luwatan ni Gobernador Gwendolyn Garcia agig panagang gikan sa coronavirus disease (Covid-19).

Hinuon may laing option nga gihatag si Garcia sa mga national sa mao nga mga nasod nga mao ang pagpauli kanila sa ilang nasud.

Sa gipahigayon nga pulong sa Inter-agency task force sa Covid-19, gipahibawo ni Garcia nga tulo ka mga nasud ang may natala nga taas nga kaso sa mga namatay sa maong sakit.

Base sa datos nga natala sa World Health Organization (WHO), ang labing daghan nga nakalas sa Covid-19 gikan sa mainland China nga moabot og 2, 931.

Gisundan kini sa Italy nga may 366 ka mga pasyente nga nakalas, samtang 194 usab gikan sa Iran. Matod ni Garcia nga angay nga unahon ang pagpanagang sa mga nasud nga may labing daghan nga mga kaso sa namatay.

Atol sa gipahigayon nga pulong sa mga opisyal nga sakop sa task force, gimandoan sa gobernador ang tanan nga tumanon ang mga protocol nga gilatid sa gipagawas nga mga executive order.

“In the health declaration form, if it can be seen that they have passed by these countries, they would immediately be subject to a 14-day quarantine. The Bureau of Immigration will be the second line of defense. They will be examining the passports. What is stamped in there will indicate whether or not they visited these two countries”, matod ni Garcia sa mga tigbalita sa Marso 9, 2020.

Matod ni Garcia nga ang lokal nga flights ang angay nga hatagan og pagtagad.

Lakip sa kamandoan ni Garcia nga gidid-an na sa pagbiyahe ang mga pasahero nga nakasinati og simtomas sama sa hilanat, sip-on ug ubo.

Dugang niya nga diha pa lang sa mga paluparan, kinahanglan nga duna na’y insakto nga koordinasyon ang mga paluparan ug mga pantalan aron mahimong luwas ang mga Sugbuanon sa sakit.

“Didto pa lang sa Manila or kon hain ni sila gikan, kinahanglan ma red flag ni sila nga inig abot ninyo, if gikan mo sa Italy or Iran, i-quarantine ra ba mo. If they insist on taking that flight, still then they will be asked to deplane last and the protocols are they should be already seated at the rear end of the plane,” dugang sa gobernador.

Mga lakang

Lakip sa lakang nga gihimo sa Lalawigan mao ang pag distribute og mga Vitamin C sa DOH alang sa mga dali nga mataptan sa sakit.

Bisan sa pagsuspenso sa pagtungha sa mga tinun-an sa kaulohan, matod ni Garcia nga sanglit wa pay natala nga kaso sa Sugbo, di una suspensohon ang klase sa lalawigan.

Aron mahimong luwas ang mga tinun-an, giawhag usab ni Garcia ang Department of Education (DepEd) nga suspensohon una ang mga kalihukan nga mohatag og risgo sa mga tinun-an.

Way registration

Lakip sa gi-suspenso ang Voters registration sa Commission on Elections (Comelec) Province tungod sa kabalaka sa Covid-19. Ang maong impormasyon gikumpirmar ni Atty. Lionel Marco Castillano, provincial elections supervisor.

Magsugod ang suspension sa Marso 10, 2020.

Gikompirmar usab kini ni Cebu City north district Election officer Marchel Sarno.

Gisuspenso mao ang ilang pagrehistro sa bag-ong mga botante sugod karon Marso 10 hangtod Marso 31.

Si Sarno nagkanayon nga nakadawat sila og memorandum gikan sa ilang Central Office paghunong una sa ilang registration lukop nasod.

“Tungod sa Covid 19, ang Comelec ni suspend ang atoang registration sugod ugma hangtod March 31 to avoid contact at the same time security sa atoang mga applicants and personnel kay dili man pwede magrehistro nga walay contact kay naay biometrics,” padayag ni Sarno.

Gawas sa registration, gisuspenso usab sa Comelec ang correction of entry, transfer of registration nga posibleng mobalik karong Abril 1.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph