KINILONG SHABU. Sila si Thomas Cirujano (wala), 31, Reynaldo Capangpangan (tuo) nakuhaan og shabu nga dunay kinatibuk-ang P7 milyunes nga balor sa usa ka buy-bust sa Villagonzalo 1, Barangay Tejero, Dakbayan sa Sugbo. (Benjie B. Talisic)
KINILONG SHABU. Sila si Thomas Cirujano (wala), 31, Reynaldo Capangpangan (tuo) nakuhaan og shabu nga dunay kinatibuk-ang P7 milyunes nga balor sa usa ka buy-bust sa Villagonzalo 1, Barangay Tejero, Dakbayan sa Sugbo. (Benjie B. Talisic)

‘Courier, hitman’ nakuhaan og P7M shabu

LAING high value individual nga drug courier ug giingon niya hitman nadakpan sa anti illegal drug operation sa Lunes sa hapon, Marso 9 sa Sityo IKP,Villagonzalo 1, Barangay Tejero, Siyudad sa sugbo.

Kapin sa usa ka kilo sa gituohang shabu ang nasakmit gikan sa duha, apil ang 9mm nga pistola nga dunay upat ka mga bala.

Si Police Major Joemar Pomarejos, hepe sa Waterfront Police Station, nangu sa buy-bust, niila sa mga suspek nga sila Thomas Cirujano, 31, taga Sityo IKP, Villagonzalo 1.

Lakip sa nadakpan si Reynaldo Capangpangan, 37, giingong himan, taga Barangay Pulpugan, lungsod sa Consolacion.

Nasakmit sa buy-bust ang usa ka kilo ug 50 gramos nga shabu gikan kang Cirujano samtang si Capangpangangan nakuhaan og armas ug kwarta nga buy-bust money.

Si Cirujano maoy gipalitan og illegal drugs. Iya kining gitunol ngadto kang Capangpangan.

Moabot sa P7.4 milyones ang balor sa shabu nga nasakmit gikan kang Cirujano.

Dugang ni Pomarejos nga ilang nasayran nga si Cirujano kanhi nadakpan sa illegal drugs sa Agusto 2018 sa Parian Police Station.

Si Capangpangan giingong maoy hitman ni Cirujano.

Si Cirujano, sa iyang habig, nidepensa nga kadto pa siya nakuhaan sa maong gidaghanon sa gituohang shabu. (BBT)

Related Stories

No stories found.
SunStar Publishing Inc.
www.sunstar.com.ph