DUHA ka mg gikonsiderang high-value target ang nasikop sa kapulisan human namaligya og armas nakuhaan pa og ubay-ubay ka gramo sa gituohang shabu sa Barangay Lapasan ug Bulua, dakbayan sa Cagayan de Oro.
Unang operasyon gikasa sa Regional Special Operation Unit (RSOU)-Northern Mindanao nga miresulta sa pagkasikop sa usa ka Gilyzar M. Tobias, minyo, purchaser ug driver ug si Aira Cali Topaan, lumad nga taga Marawi City.
Narekober sa ilang posisyon ang 9mm nga pistola nga maoy gibaligya niini ngadto sa pulis nga nagpatuong poseur buyer.
Gawas niini nasakmit sab sa posisyon niini ang dakong pakete sa gitouhang shabu nga dunay gibug-aton nga 100 gramo nga adunay street value nga P700,000.
Samtang ang RSOU mikasa sab og operasyon batok sa suspek nga si Wilfredo Padinit, 46, usa ka construction worker taga Terry Hills Subdivision, Bulua ning siyudad.
Napalit gikah sa posisyon niini ang kalibre 45 ug nakuhaan kini og 25 gramo sa gitouhang shabu mobalor og P175,000.
Ang mga dinakpan pulos detinado na sa prisuhan karon panahona.
Matud ni PRO-Northern Mindanao spokesman Mardy Hortillosa nga kining mga dinakpan ang kasohan og illegal possession of firearms ug kasong paghupot sa ginadili nga druga.