Voter's registration gisuspenso tungod sa Covid-19

GISUSPENSO karong panahona ang voter's registration sa City Commission on Elections (Comelec) tungod na usab sa coronavirus disease (Covid-19).

Nagdeklara na ang Department of Health (DOH) og state of public health emergency sugod niadtong Marso 9 human nga duna nay local transmission sa nasud ug gani nisaka na ang ihap sa nagpositibo diin anaa na sa 24 sa pagsulat niini nga balita, Marso 10.

Gibutyag ni Atty. Ramil Acol nga gisuspenso una sulod sa duha ka semana kapin ang pagparehistro gumikan na usab niining gikabalak-an nga sakit nga naa na sa nasud.

"Suspended starting today until March 31," matud ni Acol.

Gisuspenso ang pagrehistro sugod Marso 10 ug hangtod Marso 31 ug dili pa usab masiguro kung mabalik na kini sa hingpit karong bulan sa Abril.

"Wait pa if duna new advise," dugang pa.

Nasayran nga hugot ang pakigbatok karon sa mga hingtungdang ahensiya labi na sa Department of Health aron nga dili na mograbe pa ang pagkuyanap sa Covid-19 sa nasud.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph