UNYA excited kaayo siya ting-uli na apan dili nako makita nga moduwa siya sa akong anak. Dili pa gyud kaayo managad, garboso kaayo. Graduhan man unta siya. Ang iya style kay basta lang kay nakahatag na siya og material needs sa among anak ug nakapakita siya og enough nana. How about ang affection sa bata nga tagsa ra unta mi makakita tapos one day and one night ra pud?
Makalingaw na man unta akong anak apan hatagan pa niya og oras ang iyang pagduwa sa basket ug sugal. Pirme lang ko maghilak, Papa Joe, kay di ko ka-open sa akong parents about sa iyang kausaban kay mauwaw ko. Mas pinangga pa ang akong anak sa akong mga maguwang lalake ug bana sa akong igsuon.
Karon, Papa Joe, insultuhon na ko niya atubangan sa iyang kaliwat ug gitulisok atubangan sa iyang ginikanan. Gipalayas mi sa ilaha kay didto man mi sa ilaha. Ug kon maghisgot sad ko og kasal, lainon niya ang estorya. Naglibog na gyud ko, Papa Joe. Dili pa guys paestorya. Wala miy klarung estorya sa among mga problema kay di man siya open nako. Dili pareha sa una. Bisan unsa nalang akong buhaton aron maminaw siya nako, hinay-hinayon pa nako og estorya apan molikay siya, molakaw.
Kadaghan na mi nagkabuwag apan tungod lagi sa bata, magkabalik ra mi. Apan karon, Papa Joe, dili ko kadawat kay pirme na lang siya mamakak nako bisan nasakpan na. Nakig-date diay siya sa ex-girlfriend sa iyang cousin nga naa nay anak. Sakit pa kaayo modala og text ang babaye unya kon mangutana ko sa akong ka live-in, dili ko hatagan og saktong tubag kay masuko dayon. Dili na lang kuno nako panumbalingon.Apan kadto nga time, Papa Joe, nagkabuwag mi ato but same ra gihapon mi og gipuy-an in one room kay dili man pud mi mag-abot kay one month mang siya ato pang night shift while ako always man ko day shift.
Bisan naa koy pagduda, dili na lang ko mangutana kay masuko man dayon siya. Mahimo dayong away. Ako na lang huna-hunaon nga salig ko niya apan kana lang gyud iyang pagka dishonest makalagot kaayo bisan nasakpan na, dili gihapon moangkon. Bisan ako pa siya ingnon nga pagsulti nalang sa tinuod kay mosabot ko, dili ko masuko, apan dili gyud siya mosulti. Adto na hinuon ko sa uban makahibawo unya mo-deny pa.
Gikapoy na ko og fight sa among relationship tungod sa among anak. Kadtong naghilak ko unya nihilak pa gyud akong anak nagtan-aw nako, iyang gikasab-an akong anak nga pahilumon. Giingnan pa niya nga pasagdan daw ko. Naka-realize pud ko kon unsa iyang matudlo nga pamatasan sa akong anak nga mismo siya bakakon man kaayo. Unsa akong buhaton, Papa Joe? Ingon siya love ko niya apan di siya maka-assure nako kon kanus-a ko mapakaslan. Gusto na ko makasal, Papa Joe, kay ma-insecure pud baya ko. Apan ako lang gihuna-huna nga basin ako ra unya ang mag-antos. (SUMPAYAN)
(joelonrt@hotmail.com)