MAKALINGAW nga Sabado ang gisalmutan sa mga pet lovers sa siyudad sa Mati human giorganisa sa City Veterinarian Services Office ang fun run activity subay sa Rabies Awareness Month.
Si Dr. Marites Erispe sa CVSO nagkanayon nga anaa sa 211 ka mga pet owners miapil sa aktibidad nga gihimo sa FGR Park and Baywalk.
Luyo niini, anaa sab sa 115 ka buhing iro ang nabakunahan nga libre ug 96 ka pet owners ang misalmot sa marathon.
Ang fun run gihimo ka-partner ang Davao Veterinary Private Practitioners Association Companion Animal Pratitioner (Daveppa-CAP).
Anaa sab sa aktibidad sila Dr. Mary Anne Abadilla (Presidente sa Daveppa), Dr. Gil Abadilla, Dr. Ben Montanez, Dr. Virgie Apelo, ug Dr. Jessie Michael Alzate.
Pipila sab ang midaug sa kalingawan nga mibitbit og cash prizes ug mga freebies.