NAKABATON na og puwesto sa 2020 Tokyo Olympics ang beteranong Pinoy amateur boxer nga si Eumir Marcial.
Kini human gilupig ni Marcial si Byamba-Erdene Otgonbaatar sa Mongolia niadtong Dominggo nga nagtukmod kaniya sa semi-finals sa middleweight division sa Asia/Oceania qualifying tournament sa Jordan.
Nakig-uban si Marcial nila ni gymnast Carlos Yulo ug pole-vaulter EJ Obiena isip nag-unang Pinoy nga mga atleta nga naka-qualify na sa matag upat ka mga tuig nga kompetisyon.
Posible sab nga maka-qualify sa Tokyo Olympics ang laing mga boksidor nga sila si Carlo Paalam, ug women’s fighters Irish Magno, Riza Pasuit ug Nesthy Petecio kon mingdaog kini sa ilang mga away kagahapon sa Jordan event nga wala pa masayri ning pagsuwat. Ang laing mga Pinoy nga sila si Ian Clark Bautista ug James Palicte nanamilit sa kompetisyon. (ESL)