GIKANSELAR sa Philippine Basketball Association (PBA) ang nakaiskedyul nilang duwa kagahapon, Marso 11, tungod sa Covid-19.
Sa ilang official Facebook page, gipost sa PBA ang pahibalo human miguwa ang resulta sa gihimong konsultasyon tali nagkadaiyang partido.
"In a special meeting held last night, March 10, the Philippine Basketball Association Board of Governors through the Office of the Commissioner, decided with prudence to cancel effective today, March 11 its ongoing PBA Philippine Cup and PBA D-league Aspirants Cup games and activities and PBA 3x3 inaguralas until further notice," matud sa PBA.
Dugang pa sa pahibalo nga mas unahon nila sa pagkonsiderar ang kahimtang sa panglawas sa kadaghanan taliwala sa kasamtangang sitwasyon sa Covid-19 nga mihurat sa tibuok kalibutan.
"Considering the present situation surrounding Covid-19 and the presidential declaration of public health emergency, it is our paramount duty and responsibility to ensure the health and safety of our fans, players, teams, officials and staff."
Gipasabot hinuon nila nga magpadayon ang ilang monitoring aron masuta kanus-a mamahimong makabalik ang liga, magdepende sab sa epekto sa Covid-19.
"The league, however, will assess the effects of Covid-19 on a day to day basis guided by the parameters set by DOH and WHO and will remain committed to conduct its games and activities in a safe and responsible manner for all its stakeholders," dugang sa PBA.
Gitakda unta nga magduwa ang Talk N' Text Katropa batok Phoenix Super LPG sugod sa alas 4:30 sa hapon samtang magtagbo sa main game ang NLEX Road Warriors ug NorthPort Batang Pier. (Rhona Goc-ong-Villariasa)