SUPERBALITA DAVAO

Hiyas sa Barangay Bincungan Tagum gikoronahan

TAGUM CITY -- Si Jelymp Postrero, nga ang kagikan sa tribung Kagan, mipildi sa laing 22 ka kandidata gikan Tagum City.

Siya ang labing una nga representante sa barangay Bincungan sa siyudad nga miangkon sa korona nga Mutya ng Tagum City 2020.

Si Postrero, 22, ug bag-o lamang sa pagsalmot og beauty pageants, gipa-wow ang mga hurado ug nalabni ang Talent award.

Sa iyang Facebook post, si Postrero nagsulti nga may pagduda siya sa iyang pigura, panit ug kinatubuk-ang pamayhon kung siya ba haum tawgon ug moangkon sa titulo.

Apan gipamatud-an niya nga di lamang puros kaanyag ang tanan.

"My journey was never easy but I always taught myself to look for the brighter side. And I want everyone to know that you can be who you are destined to be if you believe in yourself and trust in God," matud niya.

Si Postrero midawat og P50,000 cash, Best in Talent award, Ms. Yasuy Ambassadress award, luyo sa nakuha niyang Mutya ng Tagum 2020.

Samtang ang first runner-up mao si Ms. La Filipina, Rhona Joy Baladiang nga maoy Mutya ng Kalikasan. Nakuha sab niya ang Ms. Activo Fitness, Ms. Yasuy Skincare Enterprise ug midawat siya sa P35,000 cash.

Si Ms. Apokon, Mutya ng Turismo Jesette Ore ang second runner-up, diin siya midawat sa P25,000 cash ug Kutis Beautederm.

Third runner-up si Ms. Magugpo East Maria Angelie Valencia nga midawat og 20,000 cash, Face of Beauty, ug milabni sa Mutya ng Karunungan title.

Ug si Ms. Liboganon, nga maoy fourth runner-up Mutya ng Kaunlaran mao si Eden Ballesteros nga midawat og P15,000 cash lakip na Ms. Congeniality ug Ms. Photogenic Awards. (PR)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph